Na faia lenei Aso i Keehi Lagoon Park, Aso To'ana'i, Nov 27. O le aso fa'asino i le Matagaluega Autalavou a Pulega a EFKAS i Hawaii. O Ekalesia na au ai i le nei aso o le Savali o le Filemu, Areto o le Ola, Maile, Ierusalema Fou, Waianae, Malae Saili-Nanakuli, ma Kanana Fou. Amata i le Ali'i ma fa'ai'u fo'i i le Ali'i. Matagofie tele lenei aso, ua fa'ailoa mai ia latou gaoioiga uma i tu ma aganu'u Fa'a-Samoa. Na fai le Ava Usu, Lalaga ato, fo'e le fa'i, o'a le popo, siva o le mauluulu, siva o le sasa, ma fofoga fiafia o tagata uma na fa'atasi mai i le nei aso. "E le'o ni tauvaga a'o se mafutaga mafana a autalavou kerisiano i le a'oa'oga o le tupulaga i tulaga ma aga i fanua a Samoa. E auala mai i a latou pesepesega, sivasivaga, ose ava usu, lauga fa'a-Samoa ma ta'aloga masagi (cultural games)." O talosaga ia a le Aufaigaluga a Le Atua: Le Toeaina ia Sataraka, REV. Leiataua, REV. Saifoloi, REV. Fautanu, REV. Lafitaga, REV. Tua, REV. Gisa male A'oa'o Sapolu, ua maualuga ai le aso o le Tupulaga i Hawaii Nei. . Le Susuga ia Vita ma Ete na va'avaaia le Aganu'u ma fa'amaumau latou togi tu'u fa'atasi (overall). Ole Ava Usu na faia e Autalavou a Maile, male Ierusalema Fou, ae maimoa le to'atele. Lelei le tautu ava, lelei le lauga ile agaiga ma fa'atau mo le puleava ae maise le faiga o le Ava e le Autalavou a Maile. O isi Autalavou na faia isi tulaga pei o le Sasa na faia e Kanana Fou, e gatasi lelei taga ma le toniga. Pese malie ma le Taualuga na faia e Savali o le Filemu, Susuga ia Seu na fa'aluma ae taualuga le Faletua o le Fa'afeagaiga. Areto o le Ola na fai le latou aufaipese na iai le fa'aluma ae taualuga le Faletua o le Fa'afeagaiga. Au Faipese a Nanakuli, fa'aluma le Tama fai si matua tele, e malie ma ua fa'atumulia ai le to'e ma fe'atai a le au maimoa. Waianae na fai le latou aufaipese, manaia le fa'aluma ae taualuga e le tama mai kolisi a University a Hawaii le Susuga a Emanuelu. Fa'apea le matagofie o le mauluulu a tama'ita'i. O le Fa'aopoopoga lenei:. 1st. Place: Autalavou a Waianae 84.8 points. 2nd Place: Autalavou Savali o le Filemu 81.5 points. 3rd. Place: Autalavou Iesarema Fou 79.2 point