O Samoa o le atunu'u ua uma ona tofi ma tu'u laupua ona pa'ia mai anamua
e le 'aufueloloa male 'aupuputoa. Ua ese'ese na'ua fa'alupega o nu'u anamua
ma ona po nei. Aua o onapo anamua sa gaogao nu'u ma sa le to'atele saofa'iga
a nu'u ma sa le to'atele ali'i ma failauga o nu'u ma itumalo. O onapo nei
ua to'atele saofa'iga a nu'u ma ua suia fo'i nisi fa'alupega ele poto male
malamalam fa'onapo nei. Ua avea lea ma nisi o mafua'aga ua alai ona iai
fe'eseesega ile va o ali'i ma failauga i totonu o nu'u po'o itumalo o Samoa
i lea tupulaga ma lea tuplaga e au atu i suafa matai o latou aiga.
